Қирғизистонлик футзал мутахассиси, ФИФА рефериси Нурдин Букуев Ўзбекистон ва Аргентина ўртасидаги ўртоқлик учрашувини бошқаради. Бу ҳақда мамлакат спорт ассоциацияси хабар берди.
Бугун, 2 февраль ва эртага, 3-феврал куни Тошкентда Ўзбекистон миллий терма жамоаси амалдаги жаҳон чемпиони Аргентина билан ўртоқлик учрашуви ўтказади.
«ФИФА рефериси Нурдин Букуев Ўзбекистон футзал ассоциациясининг талабига биноан учрашувни бошқариш учун таклиф қилинган», – дейилади хабарда.
Эслатиб ўтамиз, Нурдин Букуев ФИФА ҳакамлар рўйхатидаги футзал бўйича Жаҳон чемпионатидаги ўйинларни бошқарган ягона қирғизистонлик мутахассис ҳисобланади.
Тўртта жаҳон чемпионати ва еттита Осиё чемпионатида ҳакамлик қилган.
